kisaw sa sapa

Alas 3 sa Hapon

Posted by Gen Omapas , Wednesday, October 20, 2010 Wednesday, October 20, 2010

nag-inagikik sulod sa jeep

ang manulonda mikunsad

taliwala sa sinaw nga 'celfone"

ug mahalong sinina,
baga nga makeup
makalarag nga pahumot
murag bag-ong hinabwa
nga buy one take one sa merkado sa insik
susama na siya sa kwaknit
sa ka pula sa iyang lipstick
bag-ong pintal nga mga kuko
naglana ang aping sa chin chan su


nagtinagingting ang katapusang silaba sa bagting
sa iyang walay puas nga tira- pasagad
di lagi kuno siya hinawayon
pero maayong pagka han-ay ang saway
sa iyang amigang bag-ong na abogada
sauna pislat ug ilong karun taliwtiw na
nasuya siguro nga siya wala ka pa Vicky Bello
kalit, mituktok sila ug mikanaug sa Sudlon
ang pak-an nga sabaan, nag lubos itom ang sinina
nakapalda murag para-para nga milabang
padulong sa lubos puti nga simbahan.

Posted in Balak

2 Response to "Alas 3 sa Hapon"

mai Says:

walay para akoa na balak?
himoi pod ko gen be

--maibe

April 28, 2011 at 6:41 PM

Gen Omapas Says:

hello mai long time no hear. saon mani wui nga sa higayon nauphag ang gugma nangmala na usab ang pulong. magsge pako buhat... dko palabot dko kabuhat ug balak.

May 3, 2011 at 9:07 PM