Eklipse: Hulyo 22, 2009

Posted by Gen Omapas , Thursday, July 23, 2009 Thursday, July 23, 2009

Walay tayhop sa trompeta ug hinagubtob sa takna
nga madunggan gikan sa nag-ambong panganod
kon dili ang mga hadyong sa mga sakyanan
ug suliyaw sa mga tawo nga minggimaw
sa nag sanga-sangang dalan ubos sa ikapitong andana
niining edipisyo nga akong gibarugan.

Wala nila mabatyagi ang ilang talagsaong panaghibalag
pero ako nga sama sa usa ka batang namuso
nga mingyahat sa akong ulo dayun tisli kanila nga nanglili
sa panag-akob sa ilang mga ngabil uban sa daklit
nga kangitngit nga mihabol sa sayo'ng kabuntagon.


-- G omapas

2 Response to "Eklipse: Hulyo 22, 2009"

M.D.K. Says:

matay. di pod kakompyansaan mohulma og balak kining bayhana. abilidaran pod. abilidaran... nga naglatay sa linya ni plath ug sexton.

Gen Says:

hahaha...wala man ko kaila ana nila ni plath og sexton..lamat mdk..idol sad nako imong mga binuhat

Post a Comment

Related Posts with Thumbnails